【On.cc】黃翠如打工海鮮檔賣魚 靠蕭正楠拉生意「救市」
無綫全新真人騷《家傳之「保」》本周日（5日）首播，由黃翠如打頭炮，她走到海鮮檔親身體驗黃爸爸昔日打工日常。當日翠如凌晨4點便精神開工，除親力親為為海鮮鋪好「冰床」、又落手落腳撈魚、劏魚及叫賣，可惜落力了一個早上只做得200元生意，遭專誠受外母所託帶同「媽媽牌愛心水餃」前往探班的老公蕭正楠（阿蕭）為之汗顏：「嘩！成朝做咗200蚊生意呀？好多喎咁樣，你對唔對得住海鮮檔老闆娘呀？」之後還自告奮勇「救妻」：「我同你落去，我幫你追番啲生意先。」阿蕭一落場除落力大聲叫賣，又落足嘴頭賣口乖：「一睇就知你靚仔啦」、「好似你咁強壯喎」、「標水喎呢隻（象拔蚌），新鮮喎」，還主動減價冧客：「多謝老細，收平你廿蚊先」，短短十分鐘已收獲逾千元港元生意額，獲讚是「賣魚嘅材料」。
黃翠如體驗做海鮮檔。
親自落場揀貨。
親手撈魚。
落手落腳。
挑戰劏魚。
老公蕭正楠嚟探班。
睇唔過眼成朝得200蚊生意。
即時落場「救市」！
火速開單！
輕鬆賺成千蚊。
除落力賣魚外，翠如還要劏魚，老公阿蕭見到即十分着緊，他望着翠如劏魚的樣子更似足睇恐怖片，他坦言：「我係有啲擔心嘅，因為佢屋企唔會揸刀，嗰把魚刀又唔係講玩啦，仲要喺鰓位、魚肚位𠝹嚟𠝹去，我見到其實都有啲擔心：『你都幾危險架喎』。」其後阿蕭又朗讀黃爸爸寫給翠如的家書，翠如聽到大為感動全程淚流不停。
翠如劏魚，嚇到阿蕭冇眼睇。
個心離一離！
夫妻檔拍住上！
好成功！
