黃庭鋒曾當9個月「醫科生」 拍劇演醫生終圓夢
.
黃庭鋒在近日播映的TVB劇集《巨塔之后》中飾演年輕肝臟外科明日之星，甫登場便當機立斷為病人進行心包穿刺手術，之後再成功完成重要手術的肝移植部分。這次飾演醫生的庭鋒其實在圈中是知名學霸，他在修讀體育系碩士前，原來曾當 9 個月「醫科生」。
黃庭鋒曾修讀為期9個月的中文大學醫學院公共衛生學系 Master：「當時我覺得既然咁難得可以讀 Master，就想試吓有冇其他出路，然後我就去咗中大醫學院嘅公共衛生學系面試。當時其實我係 Full Time喺國際學校教緊體育、Part Time 做體育主持，再額外抽時間讀呢個Master。但好記得當年呢科第一個 Test 已經肥佬咗，跟住我就發覺，喺咁唔夠時間嘅情況下，都係讀番一啲自己最拿手嘅嘢好啲，所以最後就揀返體育學科讀。」
黃庭鋒笑言自己向來是醫療劇忠粉，故對於能夠首演醫生大感興奮：「我一直都好期待做醫生角色，之前睇《On Call 36小時》同《星空下的仁醫》已經好想做醫生，加上我鍾意睇醫療劇，所以今次都可以話圓夢。」
除了讀書了得，黃庭鋒的「運動健將」身份亦為人熟悉，庭鋒於英國寄宿學校唸高中期間，曾是學校足球隊唯一亞洲球員，並主力踢前鋒；另他亦曾參與不少學界和區際足球賽，並在阿根廷、智利校際賽中獲得「最有價值球員獎」、文武雙全。黃庭鋒今年的劇集成績亦相當不俗，除了在不少劇集中有發揮外、演出的角色亦相當多元，包括《富貴千團》的「老千大學生」、《麻雀樂團》的正氣警察等。
TVB[超话]
