【On.cc】農夫出道25年宣布自立門戶 成立「農作天下」組合農夫成員C君（鄭詩君）日前和蔡卓妍（阿Sa）齊慶生，原來他除將於11月22日42歲牛一外，原來另有喜事，和組合成員陸永成立工作室升呢為老闆，兩人在社交網上分別其新Office，單位地方闊落、光猛，落地玻璃窗可遠望街景，絕非幾千蚊就租到的共享空間寫字樓。兩人留言正式宣布其公司「So Fa So Cool」開張：「今日自己公司終於開張喇，以前淨係耕種自己嘅農作物，依家耕埋幕後主辦、創作、製作塊田。以前淨住耕自己塊瘦田，依家發現，其實所有同行，投資者，創意工作者都係農夫，大家默默耕耘，日後如果大家鍾意，耕田可以一齊耕，夾手夾腳，將農作物豐收遍天下。」而阿Sa、張繼聰夫婦及少爺占亦留言祝賀。C君接受訪問時強調只是成立「細公司」：「都係得幾個同事，好簡單架咋，我哋終於可以做番自己經理人，需要一個地方製作音樂，（會唔會簽藝人？）暫時會經理自己，但會接製作、幕後、主辦等，我哋做幕後，做騷都有好多諗法，明年1月就製作一個演出。」問到有時生日願望，C君搞笑：「可以過到生日。」唔經唔覺出道25年。自立門戶「農作天下」。認真犀利。
