尋晚嘅賽果對於B組嘅安哥拉嚟講都幾絕望，坦桑尼亞逼和突尼西亞，以得失球（入球數較多優惠）篤定攞到四個最佳分組賽第三名晉級資格。而尼日利亞就贏埋烏干達，成為首支三戰全勝出線嘅球隊。十人應戰嘅塞內加爾都足夠大炒比寧，不過高利巴尼十六強紅牌缺陣，對球隊嚟講都幾大打擊。民主剛果以相同比數贏博茨瓦納，獲得次名出線資格。效力土甲球會沙卡利亞士邦嘅卡古達（Gaël Kakuta）貢獻兩球+一次助攻，係球隊嘅贏波功臣。而輸波嘅博茨瓦納，就成為本屆賽事首支三戰盡墨兼零入球嘅出局球隊。非洲國家盃分組賽第三比賽日賽事賽果（已結束）-Group A科摩羅🇰🇲0-0 🇲🇱馬里*贊比亞🇿🇲0-3 🇲🇦摩洛哥*Group B安哥拉🇦🇴0-0 🇪🇬埃及*津巴布韋🇿🇼2-3 🇿🇦南非*Group C*坦桑尼亞🇹🇿1-1 🇹🇳突尼西亞*烏干達🇺🇬1-3 🇳🇬尼日利亞*Group D*比寧🇧🇯0-3 🇸🇳塞內加爾*博茨瓦納🇧🇼0-3 🇨🇩民主剛果* 🌍⚽️🏆🇲🇦注：帶*為已經出線球隊
