施亞斯同薛斯高今季第一次喺聯賽一齊正選上陣，而施亞斯取得一年來，第1個主場嘅英超入波。至於薛斯高有6次攻門，包括1次頭槌中柱，係曼聯陣中機會最多嘅一位。17歲嘅右翼文泰圖（Bendito Mantato） 喺一隊第一次上陣…狼隊可以話踢出今季嘅代表作，無論係球員嘅拼搏程度同積極性，都應該係今季最好嘅一場。用艾利亞斯（Jhon Arias）同馬迪奧斯文尼（Mateus Mane），兩個進攻屬性比較強嘅中場一齊上陣，效果都唔錯。狼隊終止聯賽11場連敗，領隊艾活士亦取得領軍之後嘅第1分。卡積斯（Ladislav Krejčí）取得入球，同辛迪亞高般奴（Santiago Bueno）一樣今季有兩個入波，係球隊嘅並列首席射手。阿仙奴大炒排名第三嘅阿士東維拉，2025年最後一戰鎖定聯賽榜首嘅位置兼拉開領先優勢到5分（曼城踢少一場）。加比爾喺下半場啱開波嘅入球有點爭議，不過球證認為佢原地跳起並未有衝撞馬天尼斯入球作算。阿仙奴24日前首循環碰撞作客輸1-2，係近24場唯一一場敗仗，今仗就可謂有仇報仇。維拉終結連勝走勢，穩守突擊嘅佢哋初段有屈堅斯浪費咗一次機會，結果都係靠佢喺完場前破蛋。賽前七場不勝，排尾三嘅韋斯咸急需搶分。查路保雲開波10分鐘就入波協助球隊取得領先，但係球隊始終晚節不保。依然未能走出低谷嘅佢哋，盛傳主教練嘅紐奴或破紀錄單季兩次被炒（第一次係森林，第二次係韋斯咸）。英超第19週賽事賽果-般尼1-3 紐卡素車路士2-2 般尼茅夫諾定咸森林0-2 愛華頓韋斯咸2-2 白禮頓曼聯1-1 狼隊阿仙奴4-1 阿士東維拉水晶宮🆚富咸（1月2號進行）利物浦🆚列斯聯賓福特🆚托定咸熱刺辛德蘭🆚曼城 🏴*Dua Lipa 親臨酋長球場「督戰」阿仙奴，主場大勝應該幾開心！
