2026新年第一戰，英超球隊「和味濃」！喺晏菲路球場超過兩年無試過入唔到波！今仗史諾將費寧邦推上右中場，干拿巴特利踢右後衛。利物浦星期二辭退死球教練布歷捷斯，據報導相關工作目前由教練團成員之一嘅侯素夫（Sipke Hulshoff） 負責。至於賽後都有樣值得開心嘅事，守門員艾利臣碧卡完成代表球會喺英超嘅第100場零封。列斯聯起用咗今季英超第二次正選上陣嘅詹士查士甸（James Justin） 、歷來第一次喺英超正選嘅邦拿奧（Sebastiaan Bornauw） ，加上輪換策略，正選陣容只係保留咗五位主力，但球隊後防嘅緊密程度同整個結構都保持得好好。列斯聯近六場英超保持不敗，正正亦都係呢段時間，球隊轉踢3中堅5後衛陣式。水晶宮對陣富咸，成為整晚唯一有進帳嘅賽事。馬迪達攻入本季第8粒入球，但最後都係攞唔曬三分，若非甸恩軒達臣有水準發揮，分分鐘輸埋俾對手。賓福特坐鎮社區球場，有熱刺領隊湯馬士法蘭克第一次倒戈。主隊機會唔算多，熱刺方面最黃金嘅機會應該係上一場貢獻絕殺嘅亞捷格雷（Archie Gray），可惜都係把握唔到。至於追趕榜首阿仙奴嘅曼城同樣為能夠贏波，夏蘭特全場更只有一次有威脅埋門。賽後主隊球員同唐納勞瑪有言語衝突，所幸事件未有進一步發酵。英超第19週賽事賽果-般尼1-3 紐卡素車路士2-2 般尼茅夫諾定咸森林0-2 愛華頓韋斯咸2-2 白禮頓曼聯1-1 狼隊阿仙奴4-1 阿士東維拉水晶宮1-1 富咸利物浦0-0 列斯聯賓福特0-0 托定咸熱刺辛德蘭0-0 曼城 🏴
