【On.cc】古天樂激吻太耐冇嗌Cut　本尊親回宣萱好唔好錫超爆笑

藝人古天樂今日（27日）現身上環出席品牌活動，談到旅遊，他透露平時都是到外地工作時，順便留多幾日當作旅行，但很少刻意計劃外出旅遊，不過他指媽媽亦曾向他投訴想去旅遊：「始終父母年紀大，萬一有咩事我會好擔心，所以遠嘅地方唔想去，時間太長都唔好。」他強調若與父母出遊，會偏向選擇私隱度較高的酒店，令他們出入較方便，並以父母的安全為主要。

提到他日前與宣萱一同推出合唱曲《無時空之戀》，問到他是否把宣萱推入樂壇，古天樂即笑言：「佢（宣萱）不嬲喺樂壇，以前都有出過歌！」又直言對今次合作感到開心，因為兩人認識多年來都未曾試過一齊合唱一首歌，故有感是一個可以有很好回憶的機會。問到經常針鋒相對的兩人錄音過程是否順利？古天樂就表示兩人是分開錄音，又透露自己緊接宣萱之後去錄音，發現錄音室被黑布包裹：「我問個監製做咩啊，佢話阿Jessica（宣萱）要咁樣先比較安全感啲，佢問我使唔使拆開，我話唔使，我都覺得好好，始終我哋唔係專業歌手，有時候都需要時間去適應個環境。」他又大爆自己錄音時亦有小習慣，會全程坐着唱歌，笑言可能因為自己太常去唱K。

至於提到他與宣萱在MV中的親吻鏡頭，他就表示自己一開始不知道有，直至拍攝第二日時，才獲導演通知，笑言：「我又冇諗過kiss咁耐喎，正常可能10秒左右，但係導演非常enjoy個畫面，所以冇嗌Cut。（錫咗幾耐？）我唔會睇住個時間，感覺上好耐，但最緊要剪出嚟個畫面靚。（宣萱好唔好錫？）我冇研究呢方面嘅嘢喎，咩為之好，咩為之唔好。」問到部分敏感的「CP粉」不喜他與其他女星太親近，甚至會攻擊其他女星，又有傳他有拍拖多年女友及私生子等，更有人表示令「CP」變得商業化，古天樂則一概表示：「我專心做我工作，其他嘢我一律唔回應。」

此外，問到他與宣萱後續的合作，他表示當然會有，但目前暫時未有特別安排，而推出其他歌方面，他就表示：「差唔多夠啦，唔知啊，呢個世界好多嘢話唔定，但因為嚟緊有幾套戲，專心做好啲戲先。（《九龍城寨》依家點？）拍緊啦。（係咪有加入新角色？）等開鏡記者會再宣布。（打戲係咪好辛苦？）我唔知，我未埋位，不過我ready打啦。」

古仔話宣萱一直都喺樂壇。

大爆MV秘聞。

古仔話唔知同宣萱錫咗幾耐。

總之Sweet啦！