【明報即時】吳若希認迷信 買樓搬屋跟足風水 盼增強同老公「溝通」 吳若希Jinny自認是迷信之人，每次搬屋都會找風水師傅幫手。（無綫提供圖片）

由火火和施焯日（Arthur）主持的TVB Plus（82台）的互動綜藝節目《師傅點算》，昨晚（27日）主題是「迷信」，請來嘉賓靚太吳若希Jinny，她自認是迷信之人，每次搬屋都會找風水師傅幫手，她笑說︰「一路都係租樓住，每一次搬屋都要睇風水，就算買樓都要跟住一啲坐向買，例如未來呢啲坐向行運嘅就買。」

節目中Jinny問到師傅們，如何可以增強跟老公何兆鴻的「溝通」，她舉例說︰「好簡單你叫佢做一樣嘢，佢口頭話OK，轉個頭已經冇咗件事，跟住隔3星期再問，佢仲係未做喎，究竟個溝通有乜嘢問題呢？」身為人夫的火火忍不住表示Jinny是為全港已婚女士提問，她笑說︰「所有老公都係咁，無一倖免。」

塔羅占卜師羅泳嫻（裸泳）開了塔羅牌局，牌中顯示Jinny是喜歡話事的一方，而且氣勢旺夫，她續說︰「老公自信心唔及老婆，夫妻關係顯示Jinny手持『正寶劍騎士』牌，就好似你攞住把劍行住佢，要經你鞭策佢先會做。」老公手持的是「正權杖一」牌，顯示對方已經知道聽老婆話有發達。Jinny表示老公近日做事已較上心，每做決定都會徵詢自己意見。

（即時娛樂）