【On.cc】陳瀅蔡潔合體開騷　又唱又跳炒熱全場

藝人陳瀅與蔡潔早前合體於澳門開騷，由演員搖身一變，成為歌手又唱又跳，令現場氣氛沸騰。在圈中人緣甚廣的她們獲大批藝人朋友捧場，包括屢與陳瀅傳緋聞的周嘉洛、陳曉華、王敏奕、蔣祖曼、阮嘉敏、朱敏瀚、賴慰玲、鄺潔楹、劉佩玥及戴祖儀等，其中朱敏瀚更大爆嗌到聲沙，認真落力。劉佩玥則在台下睇到感動落淚，戴祖儀更以「Crazy」來形容這場演出：「Crazy！無論唱、跳、視覺、耳仔定係畫面，都係滿滿享受。」陳瀅事後亦在社交網分享與眾人在後台的合照答謝支持。

陳瀅和蔡潔擦出火花。

此外，最特別的是陳瀅媽咪為了給女兒驚喜，專程從加拿大搭14小時飛機回港捧場，令陳瀅十分感動：「我冇叫佢嚟，但佢見到蔡潔粉絲喺網上嘅Post，佢就話：『你開騷咩？我過嚟支持你，畀個Surprise你。』」相當有愛。

完成演出後，蔡潔受訪時感性表示與陳瀅之間建立了一種「革命情誼」，她謂：「我哋以前都只係工作上嘅交集，估唔到今次對我哋嚟講係咁有意義嘅事。」而陳瀅亦認為這次從演員跨界到唱跳歌手，是演藝生涯中重要的里程碑。

陳瀅施展渾身解數。

陳瀅超水準演出。

人才濟濟。

好友全力撐場。