姚宏遠否認女友係富家女但亦相當猛料 兩人相處冇壓力感情穩定. 姚宏遠昨日（14日）於深圳出席TVB新劇《模範律師團》開機儀式。佢透露劇中角色唔係律師，而係一個性格得意、內心壓抑嘅人物，同羅嘉良有好多對手戲。姚宏遠笑言以前係睇羅嘉良啲戲偷師，嚟緊可以睇真人演出偷師，雖然有壓力但都好期待。

講到早前突然喺IG高調認愛，公開女友靚相，外界見到女友周身名牌，包括Chanel頸巾、Hermès手袋等，推測佢係富家女。姚宏遠澄清：「首先唔係咁樣，唔係大家諗佢咁富有，大家誤會咗，我哋都係普通家庭，其實我哋想低調啲。」佢透露女友係開餐廳做生意，兩人拍拖大半年，感情穩定：「佢好清楚做呢行唔係表面咁身光頸靚，我哋一齊冇壓力，亦冇嫌棄我人工唔高。」TVB