佘詩曼獲「文家軍」驚喜慶生 古天樂意外現身. 佘詩曼嘅生日飯局停不了，由上個月食到今個月都仲有慶生活動，足見佢人緣甚好。日前佢獲《新聞女王》嘅「文家軍」成員倪嘉雯、路芙、姚宏遠、黃浩霆、朱樂洺等為佢慶生，王敏奕、陳若思、農夫、吳業坤等亦有出席。眾人送上阿佘最愛嘅卡通人物造型蛋糕同鮮花，令佢笑逐顏開。

不過最令人意外嘅係，天王古天樂竟然都有現身，仲同大家齊齊大合照，相信阿佘又過咗一個難忘嘅生日飯局。