蘇韻姿告別乖乖女形象 晒性感寫真大騷超Fit馬甲線震撼網民. 33歲嘅藝人蘇韻姿（Andrea）於2016年參選港姐入行，其後憑處境劇《愛・回家之開心速遞》中「熊心如」一角成功入屋。前年4月宣布約滿離巢TVB嘅佢毅然跳出舒適圈尋求新挑戰，幕前幕後工作機會接踵而來，形象亦越見百變多元。

一向畀人乖乖女清純印象嘅蘇韻姿，近日在IG大派福利，晒出一輯性感寫真。相中佢穿上黑色貼身小背心配搭牛仔褲，大方展現白皙嫩滑嘅美背同迷人肩頸線條，仲擺出多款誘人姿勢，盡展傲人上圍與結實緊緻嘅馬甲線，纖腰毫無贅肉，身材Fit爆又充滿誘惑，火辣程度爆燈，睇到網民血脈沸騰，紛紛留言大讚：「引人入勝」、「馬甲線太勁了吧」、「呢鋪真係不得了！」連圈中好友朱智賢都紛紛留下心心眼Emoji！