陳茵媺晒絕美露背婚紗照 同老公陳豪隔空放閃慶13周年.圈中公認嘅模範夫妻陳豪（Moses）同陳茵媺（Aimee）結婚13年，婚後育有兩子一女，一家五口生活美滿。向來恩愛嘅二人每逢結婚周年都會高調放閃，而日前迎來大日子嘅陳茵媺，就喺社交平台大晒多張極具仙氣嘅白色婚紗獨照，藉此慶祝呢個重要時刻。

相中嘅陳茵媺狀態大勇，佢換上一襲入肩式嘅蕾絲刺繡婚紗，轉身更隱約大騷美背。配合飄逸嘅裙擺喺鏡頭前不斷轉圈、回眸甜笑，舉手投足都散發住滿滿嘅幸福少女感。

雖然呢組相片全部係個人獨照，唔見老公陳豪嘅身影，但陳茵媺依然喺文末大放閃彈，隔空向老公深情告白：「Happy Anniversary Baby！Grateful for another year of us！」佢除咗大方用「Baby」暱稱陳豪之外，仲好感性咁話非常感恩兩人攜手走過又一年，字裡行間滿是甜蜜，結婚多年感情依然保鮮，真係羨煞旁人。