《天龍八部》Re-U掀回憶殺 石修黃日華獲讚型佬味濃 楊盼盼罕蒲頭氣質依舊.石修近日喺社交平台晒出同黃日華及楊盼盼嘅合照，三位曾紅極一時嘅武俠劇代表人物罕有聚首，令劇迷相當激動。三人曾喺《天龍八部之虛竹傳奇》中分別飾演虛竹、慕容復及木婉清，係幾代人嘅共同回憶。

網民除咗感嘆時光飛逝，更將焦點放喺三人嘅「凍齡」外貌上，尤其係年紀最大嘅石修，皮膚依然緊緻、精神飽滿，與64歲嘅黃日華及68歲嘅楊盼盼企埋一齊完全睇唔出年齡差，其逆天保養功力瞬間成為熱話。激罕蒲頭嘅楊盼盼雖然已經升呢做外婆，但氣質依舊。

回顧三人演藝生涯，佢哋喺80年代各自塑造無數經典武俠角色。黃日華與楊盼盼銀幕緣分極深，早喺1981年已合作《佛山贊先生》，其後喺83版《射鵰英雄傳》分別飾演郭靖同穆念慈，精湛演技至今仍係一代人集體回憶。而真正將三人聯繫埋一齊嘅，係1982年《天龍八部之虛竹傳奇》。當年石修憑貴氣同英俊外型，將慕容復演得淋漓盡致，至今仍被公認為「最帥慕容復」。雖然當年戲中對手戲唔算密集，但三人卻喺現實中結下深厚友誼，呢份跨世紀情誼一直延續至今。

TVB