港姐2026｜符冬鈺溫思婷樊琳靈齊被Foul 華姐季軍陳梓穎嘆欠運.《2026香港小姐競選》進入白熱化階段，最終入圍嘅12位佳麗今日（16日）齊齊現身髮型屋，接受大會安排嘅「變髮大改造」。不過，多位面試期間風頭甚勁嘅熱門佳麗均未有現身，意味住佢哋已經全數落選。當中除咗多位曾參選「華姐」嘅佳麗遺憾止步外，據了解連坐擁百萬粉絲嘅網紅溫思婷、樊琳靈都齊齊被Foul出局。

落選名單中嘅符冬鈺曾參加《溫哥華華裔小姐競選2024》並奪得冠軍，喺港姐二輪面試中表現亮眼，原本係奪冠大熱。不過佢日前喺社交平台透露自己主動退賽，網民推測真正原因可能係佢以交換生身份來港，簽證性質無法符合電視台長期合約要求。

陳梓穎（Cecilia）去年年尾參賽多倫多華裔小姐奪得季軍，但近日喺社交平台透露淘汰消息：「2026港姐之旅畢業快樂！今年的港姐競選，我的旅程就到此為止啦！」佢坦言付出百分之百努力，但「運氣還差了一點」。

樊琳靈亦喺社交平台發長文公布未有入圍消息，坦言參賽目的非常單純，就係「嚟搵工」，一直有個主持夢，希望透過港姐舞台實現夢想。雖然早早止步，但佢直言收穫滿滿，有網民問到最終賽果，佢大方承認「據我所知是沒有進」。TVB