【On.cc】蕭正楠馬國明出埠求生欲極強　愁眉苦臉變「掛妻號」

藝人馬國明、蕭正楠及曹永廉是圈中出名的愛妻號，近日3人齊到美國舉行《超時空型男演唱會》，出發當日蕭正楠已「求生欲」極強，雖然3人在合照中笑到四萬咁口，但寫明只是為了工作及家庭才暫時放下家人，表面笑得開心，但實際為迎合工作氛圍。而3人近日已結束美國之行，今次3人就醒目得多，上載的短片中，無論任何場口，由演唱會後台、食飯、行街shopping到逛景點等，他們均是愁眉苦臉，註明：「POV：當人夫離開太太去外地工作時be like」，直至最後一個鏡頭在機場，他們才舉V有笑容，並自言「終於可以回家了開心」，他們寫道：「離開太太到外地工作時be like，雖然好開心見到美國嘅fans，演唱會亦相當之成功，但係我哋幾咁掛住屋企，大家有目共睹㗎啦，麻煩留言幫我哋太太講聲。」蕭正楠太太黃翠如留意到片中細節，即時質問老公：「蕭正楠，你隻手收埋啲咩？我唔知你買咗嘢嘅」，好友陳敏之笑言：「OK woo扮得好似」。

蕭正楠、馬國明及曹永廉出埠工作求生欲極強。

全程愁眉苦臉。

非常掛住老婆。

一返到香港就笑晒！

但黃翠如眼利發現蕭正楠買咗戰利品。