【On.cc】洪永城被包到「成頭金」生無可戀　黃翠如：終於有貴氣

由「黃金拍檔」洪永城（Tony）和黃翠如（Priscilla）主持的旅遊綜藝節目《走過歷史大地》，正在熱播中，予人感覺「友達以上」的Tony與與翠如，相隔七年再度合體、繼續「互窒互寸」，令節目未開播已引發不少關注，二人更要再度澄清關係「純友誼」，不少網民笑言「有一種友誼叫黃翠如洪永城」。

吃了不少好東西。

談到相隔七年再合作，翠如笑言要熱身，並坦言事前做足功課：「我真係好耐冇開工，我都好緊張，甚至同導演講想睇playback，睇吓我同洪永城一齊嘅節奏或者出嚟嘅火花係點，頭兩日都主要係摸索。我哋唔係專登刻意去嗌交，今次好多時我哋係睇完啲 AI 片或者之前睇定資料，摸吓大家有咩唔同嘅切入點，度稿時再撞吓咁。（呢啲就係你哋咁多年嘅默契？）係囉，大家睇嘅世界唔同，我哋嘅默契就係好冇默契。」至於Tony，則笑言雖然成日寸黃翠如，但希望出來的效果是窩心：「希望觀眾會覺得得意同搞笑。」

黃翠如與洪永城在走訪埃及期間，二人繼續互窒作風，當到訪全世界其中一間最傳奇餐廳品嘗叫價港幣11元 only的「埃及撈起」；開羅埃及博物館，及哈利利市集，大開食界、眼界及買界！二人還會暖心給出「埃及市集購物全攻略」，期間Tony示範如何獅子開大口將 10蚊美金殺價殺到1蚊美金，最終竟遭店主指控是「阿里爸爸」（盜賊），令翠如笑破肚皮。

及後Tony與翠如去到哈利利市集，爭著為對方挑選「極其唔襯」兼款式誇張的埃及風服飾，當 Tony 拿起閃片Shocking Pink低胸露腰高衩裙要翠如試穿時，翠如即一面慍怒兼冇佢咁好氣：「幾日之前我已經講咗你一定揀呢個」、「憑你嘅良心再重新揀過！」之後店主幫Tony試穿一件金光閃閃的服飾，眼見被包到「成頭金」的Tony生無可戀，翠如大感興奮，笑住落井下石：「好正呀，你終於有貴氣嘅感覺喇，識咗你咁多年，第一次覺得你都 ok吖原來！」還興致勃勃幫Tony講埋價，令Tony沒好氣謂：「你有冇理過我感受㗎。」

有一種友誼叫黃翠如洪永城。

洪永城被包到「成頭金」。

洪永城生無可戀。

洪永城