【On.cc】馬國明殺入機場造勢　倪樂琳獲封「最美地勤」

無綫新劇《飛常日誌II》的主演馬國明與洪永城（Tony）昨日（18日）率領第二季新加盟的張馳豪（Aska）、鍾柔美（Yumi）及倪樂琳（Ellyn），齊齊著制服殺入機場謝票兼大派月曆卡。馬國明配合下周劇情需要穿客服制服，Tony與Aska化身機場保安，Yumi及Ellyn就以靚靚空姐Look亮相，當中Yumi獲網民留言大讚靚女，而Ellyn則獲封「最美地勤」。

人才濟濟。

眾人出現引起全場哄動，吸引大批遊客及粉絲上前打招呼及打卡留念，劇中飾演總保安主任的Tony，在謝票過程中「真．保安」上身，拿着Banner不斷為其他演員開路、又不忘吩咐熱情的粉絲睇路，相當入戲，他做好保安工作的同時，亦不忘主動與粉絲傾偈閒聊，獲讚「好搞笑！」至於「聲夢孖寶」Yumi及Aska的粉絲勁有心思，分別攜帶了二人劇中的「角色應援紙牌」到場，令現場氣氛「飛常」熱烈。而日前Aska被問到若收視好，會否除衫謝票時，更不置可否謂：「公司安排啦…相信到時會有唔同活動出嚟見大家嘅。」

另外，在昨晚（18日）一集中，飾演飛機師的朱敏瀚（朱仔）成為焦點，當中一幕驚現「爆胸」，事緣穿上白色機師恤衫配黑呔的朱仔，雖然包到冚，但側面看上去黑呔竟然「入晒坑」，朱仔3D巨胸果然名不虛傳！本身屬瘦底的朱仔為了增肌期強迫自己一日「硬塞」6餐之餘，還曾創下日食20隻蛋白及狂吞水煮雞胸肉的紀錄，訓練方面，朱仔每週重訓最少5日，即使拍劇開早班，他亦堅持凌晨3點起床空腹健身。而昨晚另一焦點是之前憑《臥底嬌娃》爆紅的「仙氣女神」李海銅「客串」，加上張馳豪的可愛「驚呆VS謙厚VS怕醜」表情包亦相當搶分，獲網民洗版式大讚可愛：「Aska好好笑，笑死冇命賠」、「估佢唔到咁好笑」。

馬國明殺入機場。

馬國明親民友善。

洪永城負責開路。

相當受歡迎。

鍾柔美派心。

張馳豪人氣高踞不下。

倪樂琳（左）和鍾柔美各具美態。

kennethma马国明