【On.cc】草蜢飛新加坡備戰巡唱　蘇志威率先抵埗覓食

組合草蜢3子昨日啟程到新加坡，為《Three in Love 世界巡迴演唱會》首站作準備。成員蔡一傑拍片上載社交網跟大家打招呼，表示準備啟程，問過迷們準備好未，見他精神狀態不俗，粉絲們亦送上祝福預祝演唱會成功。

草蜢將於新加坡開巡唱。

至於成員蘇志威則趁開騷前於當地遊覽一番，事後於社交網跟粉絲分享，他寫道：「今個星期六就係《Three in Love 世界巡迴演唱會》首站一新加坡站！今朝一早出發，香港連日落住大雨，嚟到新加坡見到陽光普照，心情即刻靚晒落機一出大堂，就收到大家話嚟新加坡必買嘅手信-Pandan Cake，多謝多謝！」他笑言抵埗後首要任務當然是醫肚，走到當地先去間歷史悠久的肉骨茶專門店，老闆更請他吃了一餐非常美味的肉骨茶：「暖暖嘅湯底，加上濃濃嘅胡椒香，真係令人食完即刻精神晒！」

吃過午餐後，他立即轉場到近日相當多人推介的一間甜品店朝聖：「聽講全亞洲唯一一間分店就喺新加坡，蛋糕造型精緻到好似藝術品咁，當然要試吓啦！」雖然是人氣大熱，但蘇志威直言仍比不上女兒Yumi日前為他親手炮製的父親節限定「龍眼大麥蛋糕」，他説：「到依家都仲有啲掛住嗰種味道，有時最掛住嘅，未必係最名貴嘅甜品，而係熟悉嘅味道同心意。」

吃得飽飽的蘇志威，表示當回到酒店後，又見到一盒靚到不捨得吃他甜品放在枱上，讓他開始認真思考：「我究竟應唔應該一嚟到新加坡就食到咁盡呢？不過大家放心！星期六上台嘅時候，仍然保證有兩嚿雞扒同六粒朱古力畀大家睇！」不過他亦補充，未來幾天仍有很多餐在等他，因此歡迎粉絲留言向他推介新加坡美食。

蔡一傑啟程，精神狀態不俗。

蘇志威率先抵達當地。

四出覓食。