【On.cc】陳曉東紅館騷兩愛女上台合唱　驚嘆囡囡暴風式長大

歌手陳曉東（東東）昨晚（19日）在紅館舉行《陳曉東 Neon Reflections 30演唱會》，全場爆滿，藝人陳浩民一家、張頴康與太太麥雅緻、《中年好聲音》甘永傑、梁浩賢、陳芷盈等也有到場支持，而張學友、方力申及羅志祥等均送上花籃。

東東化身星球上的王者登場，唱出《Neon Regrets》，之後他換上裝滿霓虹燈光的長皮褸，露出麒麟臂，又唱又跳由《特務》、《心理遊戲》、《結他》和《新歡加精選》等快歌組成的Dance Medley。完成連場勁歌熱舞後，他搞笑地說：「你哋畀我唞抖氣先，不如呢part淨係傾偈囉？好唔好？哈哈！」引來全場歡呼聲。

東東開騷前，早已預告長女芷霖和幼女芷怡一定會現身支持，想不到兩個愛女不單到場睇騷撐爸爸，還上台與爸爸合唱歌曲《我願意》，唱畢東東看着囡囡盡顯父愛，還問觀眾：「佢哋唱得好唔好聽呀？」又感嘆女兒長大得很快：「佢哋真係好厲害，幾歲就上過紅館嘅舞台，不過嗰時佢哋只係有依家一半咁高！」除了邀請囡囡任嘉賓外，東東還趁機答謝媽咪及太太王妤嫻。

尾聲時東東感性表示感激歌迷多年來支持：「喺籌備呢個30周年演唱會時，遇到唔少困難，但睇到歌迷留言鼓勵，就會重拾信心。特別係歌迷會嘅每位成員，呢個演唱會佢哋真係幫咗我好多，真係好多謝佢哋每一位。」他坦言今次演唱會雖然困難重重，但經過大家努力後，最後終能順利舉行，令他感受到「事在人為」這四個字，最後全場大合唱《水瓶座》及《劃火柴》兩首經典金曲，為個唱劃上完美句號。

東東紅館騷，回憶返晒嚟！

仲係咁有型。

好弗！

Good騷！

兩個女上台唱，絕冇怯場。