耶迪斯今季取得8個聯賽入波，已經比上季整季多一球；莊拿芬達維近6場聯賽，三個入波兩個助攻。祖雲達斯嘅戰術靈活性，臨場調動、同埋可用嘅兵源都明顯比較優勝。尾段接近踢一個無鋒陣，中前場球員靈活嘅走位同搓傳效果係唔錯，基夫倫杜林同盧卡迪利近況都好。捷連尼證實由於安拿斯利對於以借用身份加盟有所顧慮，因此交易告吹。拿坡里後備名單有8個球員，兩個係守門員、兩個係未喺一隊上過陣嘅年輕人、一個係基本上冇同隊友練過波新加盟嘅基奧雲尼、一個係八個月冇喺意甲上過陣嘅盧卡古，剩返兩個係後衛布基馬同奧利華拉，可以調動嘅空間非常有限。年輕進攻球員維加拿表現有進步，攻守都參與唔少，係拿坡里最大嘅亮點。盧卡古後備登場，係自從舊年5月23號之後第一次聯賽上陣。巴西進攻球員尼利斯好有可能要做肌腱手術，預計要休息兩到三個月，球隊今季聯賽有佢正選上陣勝出率達到七成，冇佢正選嘅比賽贏波比率係55%。羅馬嘅控球、射門、射門中目標次數、角球次數都比較多，但AC米蘭有表現最好嘅球員麥尼安，賽後亦當選賽事嘅最佳球員。巴廸沙基同薛歷（Zeki Çelik）嘅對碰同鬥法係最精彩嘅。華斯（Robinio Vaz）嘅作用係咪會大過伊雲費格遜，都係一個疑問。基拿廸嘅截擊同搶截做得唔錯；摩特歷有出色嘅助攻，亦都有重要嘅攔截。意甲第22週賽事賽果-國際米蘭6-2 比薩科莫6-0 拖連奴費倫天拿1-2 卡利亞里萊切0-0 拉素薩斯索羅1-0 基蒙尼斯熱拿亞3-2 博洛尼亞亞特蘭大4-0 帕爾瑪祖雲達斯3-0 拿坡里羅馬1-1 AC米蘭維羅納🆚烏甸尼斯（稍後時間進行）serie a 🇮🇹
