【新款XPENG X9 旗艦七座MPV香港登場】新登場嘅X9，換上 XP5 圖靈晶片，令智能駕駛反應更快、更自然。配合XPILOT同埋遙控泊車，無論行車定泊位都更精準。新車仲加咗21 吋HUD抬頭顯示，導航資訊直接投影喺視線前方，駕駛可以更輕鬆而更專注。

X9 採用800V高電壓架構，配備5C超充技術，電量由 10% 充到 80% 只係需要約 12 分鐘，飲杯咖啡就已經起得行。底盤亦有 AI 氣壓避震、智慧 CDC 同後輪轉向助陣，廠方宣稱就算路面幾顛簸，坐落都依然穩定平順。

豪華座艙設計嘅X9，配備冷熱一體式雪櫃，三排座椅皆可電動摺疊椅，隨意變換 4 至 7 座佈局。配合主動降噪技術，透過音響發放反向聲波抵銷路噪，即使行高速公路都更為寧靜。

入到車內，21.4 吋螢幕亮度色域全面提升，配埋 27 個喇叭同埋圍繞全車嘅氣氛燈，可以令 X9 變成一個流動嘅豪華劇院。安全方面亦加咗爆胎穩行系統，同埋全車 9 個氣袋，全面保護乘客。

至於電動私家車的「一換一」稅務寬減計劃於 2026 年 3 月 31 日正式屆滿，由 4 月 1 日起提交首次登記申請的電動私家車，將不再享有高達 $172,500 的稅務寬免。小鵬汽車香港代理推出早鳥優惠，以維持 XPENG X9 的競爭力：

標準續航版 (320ps，537km續航里程)：HK$799,900長續航前驅版(320ps，615km續航里程)：HK$849,900高勻能全驅版(503ps，580km續航里程)：HK$889,900

Xpeng /XpengX9 / 小鵬X9 ———————————睇實DikSirAuto，時刻掌握最新車壇資訊！