金像獎2026｜林敏驄問趙君瑜「你邊個呀」勁直接 叫盧慧敏含腸食.第44屆香港電影金像獎今日（19日）喺香港文化中心舉行，同往年一樣，一眾演員先走紅地氈。林敏驄同盧慧敏（Amy Lo）憑電影《觸電》一齊現身，林敏驄發揮無厘頭搞笑本色，當眾餵盧慧敏食腸，仲直接問新人主持「你邊個呀？」

林敏驄一身全黑打扮出席金像獎，一班年輕演員見到佢已經「嘩嘩」聲。當主持人趙君瑜（Angelina）大讚林敏驄：「你都好靚仔呀！」林敏驄直白咁問：「你邊位呀？」Angelina畢恭畢敬回答：「我係Angelina！」之後現場有人遞小食俾林敏驄，林敏驄將香腸餵向身旁嘅盧慧敏，聽到身邊人話為金像獎戒食減肥，林敏驄直言：「唔食都含住呀！」場面相當搞笑。