威尼斯重返意甲🟠🟢

雖然只能打和史柏斯亞，不過由於第三位嘅蒙沙不敵曼托亞，因此威尼斯提早一輪確定取得升班資格，來季重返意甲。

意味着威尼斯現時用緊嘅主場 Stadio Pier Luigi Penzo 新一季將可以上演意甲賽事，然後按原定計劃球隊應該喺2027年會搬到去新主場。

球隊教練史杜柏亦都喺個人執教生涯第四次帶領球隊從乙組升上甲組 （之前三次分別係2020年嘅 哥東尼 、2022年嘅蒙沙同2025年嘅基蒙尼斯 ，另外仲試過喺2017年帶領霍治亞從第三級別升上乙組。

而森多利亞不單止護級成功，喺仲有一輪嘅情況下仍然保持取得參加升班附加賽嘅機會。

至於彼斯卡拉就情況不妙，佢哋今晚以0:1 輸俾柏杜華，只能夠排喺尾三。