若果要認真講，雙方嘅銳利度都唔係咁足，反而係後防犯錯令到對方有得分機會。

費雷堡後防嘅犯錯似乎要嚴重一點，第一球嘅「第二點預判能力不足導致失波。那麼連赫特（Philipp Lienhart）喺死球防守拉格比基（（Gustaf Lagerbielke）時失位導致輸十二碼，就更加罪過，幸好守門員亞圖保路（Noah Atubolu）力保不失。不過呢位「門神」最後時刻犯錯，又將球隊推落深淵。

今季確實少留意布拉加呢隊波，今場進攻唔算太有壓迫感，不過丹麥21歲射手多基利斯（Mario Dorgeles）把握對方龍門失誤絕殺，就充滿驚喜！另外值得高興嘅係可以繼續欣賞到現年39歲高齡，曾經效力過士砵亭、波圖、摩納哥、以及狼隊嘅嘅莫天奴繼續披甲，並且踢足90分鐘。

今週兩隊德甲喺歐洲賽表現都唔係差，可惜都係輸曬，歐洲系數追唔近西甲，仲要被拋開。

歐羅巴聯賽準決賽首回合賽事賽果-布拉加2-1 費雷堡諾定咸森林1-0 阿士東維拉

—————————————————————————

呢場波過後，佳士拿好有機會喺臨走前為水晶宮帶來多一個/最後一個冠軍獎盃。整體發揮而言，佢哋都明顯好過主隊嘅薩克達；個人方面，由開波22秒就為球隊打開紀錄嘅伊斯美拿沙亞，到換走嘅馬迪達，再有攻入1球同1助攻嘅鎌田 大地，還有後備入替相當冷靜地處理最後一個入球嘅佐真拿臣（Jörgen Strand Larsen），都好過對手好多。

薩克達中後段已經傾巢而出，追緊唔到紀錄之餘，反而俾咗更加多嘅反擊空間俾對手，尤其係防線已經越過己方半場情況下，風險相當大。次回合想追分，難度不少。

歐洲協會聯賽準決賽首回合賽事賽果-薩克達1-3 水晶宮華歷簡奴1-0 史特拉斯堡

UEFA Europa LeagueUEFA Europa Conference League