笑の安慰🫂

錫週三最後一場贏波（擊敗西布朗），場「成功變成0分」降班英甲（早前因財務問題被判扣除18個聯賽積分）。不過值得安慰嘅係本來下季佢哋喺英甲係要負15分起步，但新老細入主「拆得掂」，球會會變返正常以零分開季。

葉士域治冇再錯過機會，最後階段四場不敗保住積分榜次席位置，事隔一季即重返英超。

隨住域斯咸失分，侯城都無放逐自己，主場擊敗諾域治，事隔10年再次獲得征戰升班附加賽嘅資格。而佢哋嘅對手，將會係排第三嘅米禾爾。今季聯賽兩次對陣，各自都係贏3-1，應該會幾有睇頭。

煞科戰已經提前獲得升班資格兼聯賽冠軍嘅高雲地利，作客屈福特有25歲射手森斯（Ellis Simms）大演帽子戲法，乾淨俐落地大炒對手四粒，亦都為球隊嘅完美球季劃上句號。

英冠第46週賽事賽果-布力般流浪0-1 李斯特城比士篤城2-0 史篤城打比郡1-2 錫菲聯侯城2-1 諾域治葉士域治3-0 昆士柏流浪米禾爾2-0 牛津聯樸切茅夫1-1 伯明翰城普雷斯頓1-3 修咸頓錫週三2-1 西布朗屈福特0-4 高雲地利史雲斯3-1 查爾頓域斯咸2-2 米杜士堡

英超升班附加賽對陣情況-2025.05.09 1st leg.侯城🆚米禾爾米杜士堡🆚修咸頓2025.05.12 2nd leg.米禾爾🆚侯城修咸頓🆚米杜士堡

⬆️高雲地利、葉士域治⬇️牛津聯、李斯特城、錫週三

EFL 🏴󠁧󠁢󠁥󠁮󠁧󠁿