【On.cc】詹天文個唱冇請Yumi　炎明熹得閒都唔去

「聲夢小花」詹天文（Windy）早前舉行處女個唱，想不到騷後是非不斷，日前鍾柔美受訪時大爆冇收過對方邀請，要自行在網上摷片睇，雖然Windy搶着解釋，但雙方關係難免令人有所聯想！

姚焯菲（Chantel）、鍾柔美（Yumi）與Windy下月將於中山合體開騷，3人同是「聲夢小花」，加上曾跟炎明熹組成女團「After Class」，感情理應不俗，但她們早前於活動後受訪時，卻暗露玄機！Chantel與Yumi被問到未有現身Windy首個個唱一事，Chantel表示因有工作在身而趕不及到場，Yumi則自爆：「我本身有嘢做，都好想去睇，但冇得到任何邀請，不過我最後都有搵番佢啲片嚟睇，都有留言畀佢，因為我咁啱嗰日有嘢做，不過Windy真係好好、好勁同好Fit！」

擺經理人上枱

雖然對演唱會讚口不絕，但「亮點」明顯在「冇得到過任何邀請」，Windy火速回應：「我本身直接叫咗經理人邀請，因為實在太熟喇！點知冇人講喎！」Yumi未知有心定無意，竟進一步詮釋：「因為我睇到一個訪問，話收到你嘅演唱會邀請短訊『我係詹天文……邀請你』，心諗點解我收唔到呢個Message……」Windy搶着說：「有啲我係咁轉發，所以冇畀佢（指鍾柔美）。」其後兩人各自話「唔緊要啦」，為這場尷尬對話打圓場。

Windy是次個唱「惹火度」十足，除了Yumi大爆冇被邀請外，炎明熹當日亦被拍得寧去紅館睇騷，亦不捧舊隊友場。而Windy騷後受訪時，被問到網紅劉馬車在獄中寫信向她示愛一事，她不但沒有避忌，更揚言「隨時Ready」並準備20張照片回應對方要求，隨即引爆網民熱議，對其回應大感不解：「果然係唔用腦，仲準備好20張相畀人」，亦有人諷刺地說：「未見過有人咁珍惜劉馬車嘅支持。」總之負評如潮，堪稱公關災難。

詹天文日前舉行處女個唱，卻換來連串是非。

懶理負評的詹天文，開心遊樂園。

Windy（左起）、Chantel與Yumi日前笑笑口受訪，實質句句有骨。

炎明熹選擇去紅館睇騷，也不捧舊隊友場。