【On.cc】朱敏瀚爭視帝未打先輸 叫緋聞女友陳曉華繼續努力藝人朱敏瀚今日（24日）出席《萬千星輝頒獎典禮2025》記者會，憑劇集《痞子無間道》、《虛擬情人》入圍「最佳男主角」，而《奔跑吧！勇敢的女人們》則入圍「最佳男配角」提名的他，台上除了替自己拉票，亦替同劇拍檔陳瀅、吳若希、王敏奕及緋聞女友陳曉華拉票，不過似乎有點「大細超」，只叫陳曉華（Hera）要多謝公司和繼續努力。朱敏瀚受訪時表示之前拍下的劇集，全被安排於今年初播出，他説：「但大家都好似冇乜印象，因為年頭播晒，但開心嘅，播出嘅劇集都有提名，其實我特別鍾意男配角嘅角色，我諗住嗰個係提名男主角，點知係男配。」他笑指分開參戰也也有好處，因男主角獎還有張振朗和羅子溢等強勁對手，談到他對男主獎似乎未打先輸，他笑謂：「男主角？未打都預咗自己輸，我寧願年年都有得提名男主角，每一年都有作品，更開心！（劇安排年頭播晒蝕底？）冇話唔底嘅，依家可以重溫，我亦唔係為獎拍劇。」談到他台上只叫獲「最佳女主角」和「最佳女配角」提名的緋聞女友陳曉華繼續努力，他説：「佢梗係要繼續努力，要作出個好鼓勵先。（唔睇好佢？）佢啲對手有阿佘（佘詩曼），我自己都有睇《新聞女王2》，阿佘非常卓越，我自己都睇好佢，Hera都好好，如果有『再飛躍進步女藝員』可以再攞，今年佢都有好多唔同作品見大家，而且每部作品都有好悅目嘅表現，好大嘅進步。（會投佢票？）有3票嘛，會投畀佢。」提到視帝馬國明與羅子溢亦有份角逐男配角獎，朱敏瀚説：「馬國明又嚟爭！？子溢專心爭男主角啦，我覺得男配角係有機會嘅，馬國明喺《新聞女王2》第一集就死咗，若果死咗都攞到抵佢攞啦，佢都攞慣啦，讓吓啲後輩！」至於羅子溢分別憑《金式森林》與《執法者們》提名「最佳男主角」及「最佳男配角」，台上同爭視帝的張振朗出動利誘拉票，他即時表示要倣效對方。對於網民被視為視帝大熱，他謙稱：「唔係，我需要每位觀眾嘅一票，每一票都係好好緊要，每人有3票，大家可以選自己心水，副選就投畀我。（對攞視帝有冇信心？）每年競爭都好激烈，有好多畀我出色嘅演員，每個人都好努力，我好感恩大家都好鍾意我個角色，我嘅信心係來自角色人設好討好、幾完美，似現代版嘅諸葛亮。」提到去年大熱倒灶飲恨影帝，他稱：「唔可以話係飲恨，之後有睇返自己嘅演出，可以再做得好啲。（今年遇宿敵張振朗，覺得邊個係你最大對手？）振朗、林保怡、黃宗澤、Bosco同陳豪都係，真係要睇觀眾嘅喜好。」問到會如何拉票？他表示無論線上線下每一個活動都希望參與：「好似龔嘉欣話齋，去飲茶都不忘拉票，我嚟緊會多啲出街食飯拉票，我最近參加咗小朋友嘅生日會，我都有向家長拉票，有家長同我講，佢7歲嘅女話要嫁畀高深（子溢劇中角色名），好多人都會叫我角色名，所以信心一定會有。（太太楊茜堯係咪都對你有信心？）佢一定有，如果連佢都對我冇信心就弊。」羅子溢（左起）、朱敏瀚同張振朗齊齊爭視帝。朱仔似乎對視帝冇乜信心。佢話「男配」就有機會羅子溢被網民視為視帝大熱。
